मृत अवस्थामा देशका विभिन्न स्थानबाट चार जना फेला परेका छन् । काठमाडौं महानगरपालिका-६ तिनचुलीस्थित निर्माणाधीन घरमा हाल नाम, थर, वतन नखुलेका करिब ४० वर्षीय पुरूष शनिबार मृत अवस्थामा फेला परेका छन् ।
त्यस्तै कैलाली, गोदावरी नगरपालिका-१२ बाङ्गेसाल बस्ने ७० वर्षीय मोहन सिंह कामी सोही ठाउँस्थित मालाखेती शाखा नहरमा शनिबार मृत अवस्थामा फेला परेका छन् । यता ललितपुर, महालक्ष्मी नगरपालिका-४ ईमाडोलस्थित खाली जग्गामा सिराहा घर भएका ३५ वर्षीय कुमार तोलङ्गे शनिबार मृत अवस्थामा फेला परेका छन् ।
उता हुम्ला, सिमकोट गाउँपालिका-४ भदु खोलामा सोही गाउँपालिका-४ हिल्दुम बस्ने ३८ वर्षीय चिरञ्जिबी शाही शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्