देशका विभिन्न स्थानमा आगलागीबाट विभिन्न धनमाल जलेर नष्ट भएको छ । काठमाडौं महानगरपालिका-१७ क्षेत्रपाटी कुश्लेचौर डेरा गरी बस्ने ३० वर्षीय सुबिर द्रुतराजको कोठामा विद्युत सर्ट भई बिहीबार दिउँसो आगलागी हुँदा करिब ३ लाख ४५ हजार रूपैयाँ बराबरको धनमाल जलेर नष्ट भएको छ ।
त्यस्तै भक्तपुर, सूर्यविनायक नगरपालिका-१० चितापोलस्थित काठमाडौं महानगरपालिका-३२ महादेव स्थान बस्ने ४५ वर्षीय सुसिल ज्ञवालीको हिमालयन नेचुरल्स प्रालि कारखानामा विद्युत सर्ट भई शुक्रबार बिहान आगलागी हुँदा करिब १७ लाख ६० हजार रूपैयाँ बराबरको धनमाल जलेर नष्ट भएको छ ।
यस्तै रूपन्देही, ओमसतिया गाउँपालिका-२ पड्सरीस्थित रेश्मा पेट्रोल पम्पकोभित्र पार्किङ गरी राखेको ना।६ ख ८०५० नम्बरको खाली ट्रकमा वायरिङ तार सर्ट भई बिहीबार राति आगलागी हुँदा ट्रकको क्याभिनको सिट, वायरीङ तार जलेर क्षति भएको छ । क्षतिको विवरण हाल खुलेको छैन ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा थप अनुसन्धान गरिरहेको छ ।
प्रतिक्रिया राख्नुहोस्