फेसबुक अभियानमार्फत क्यान्सरपीडितको उपचारका लागि आर्थिक सहयोग
सङ्खुवासभाको सभापोखरी गाउँपालिका–१ लेब्राङका क्यान्सरपीडित एक पुरुषलाई उपचारका लागि फेसबुक अभियानमार्फत अमेरिकामा सङ्कलन गरिएको रु दुई लाख ७० हजार आर्थिक सहयोग प्रदान गरिएको छ ।
![मेटा मेटा](https://www.nepaljapan.com/wp-content/uploads/2023/03/Facebook-to-meta.jpg)
क्यान्सरपीडित ३५ वर्षीय उमेश श्रेष्ठको उपचारका लागि ५२ नेपालीबाट सङ्कलन गरिएको सो रकम प्रदान गरिएको खाँदबारी नगरपालिका–११ घर भई हाल अमेरिकास्थित वासिङ्टन बस्ने लीला श्रेष्ठले जानकारी दिनुभयो ।
फेसुबक अभियानबाट अमेरिकामा रकम जुटाएको रकम जनज्योति माध्यिमक विद्यालयका पूर्वप्रधानाध्यापक होमबहादुर अधिकारीमार्फत क्यान्सरपीडित श्रेष्ठको उपचारका लागि प्रदान गरिएको उहाँले बताउनुभयो ।
दश वर्षअघि फेरिएको मिर्गाैलाले काम नगर्ने भएपछि पुनःमिर्गाैला फेर्नुपर्ने भएकाले आर्थिक अभावका कारण सहयोगका लागि पीडित परिवारले याचना गरेका थिए ।
पैसाको अभावमा क्यान्सर रोगको उपचार गर्न नसक्नुभएका श्रेष्ठलाई उपचारमा सहयोग गर्न अभियान सञ्चालन गर्दै आएको उहाँले बताउनुभयो । क्यान्सरपीडित श्रेष्ठलाई अहिले स्वदेश तथा विदेशमा रहेका नेपालीबाट सहयोग जुटेको उहाँले बताउनुभयो ।
प्रतिक्रिया राख्नुहोस्