नेपालीहरूको मुक्तिको लागि अन्तिम लडाइँ कार्यक्रमको लागि बागलुङ आउनुभएका व्यवसायी दुर्गा प्रसाईँमाथि हातपात भएको छ ।
कार्यक्रमलाई सम्बोधन गर्न मञ्चमा उक्लने क्रममा प्रसाईलाई बागलुङ नगरपालिका ७ का ३७ वर्षीय रामकान्त गौतमले हातपात गरेका हुन् ।
जिल्ला प्रहरी कार्यालय बागलुङका प्रहरी नायव उपरीक्षक मदन केसीले बागलुङ बजारको लोकतान्त्रिक चोकमा आयोजित कार्यक्रमलाई सम्बोधन गर्न प्रसाईँ मञ्चमा उक्लने क्रममा गौतमले हातपात गरेको बताउनुभयो ।
उहाँले ूदुर्गा प्रसाईँ मञ्चमा उक्लिने क्रममा गौतमबाट हातपातको प्रयास भएको हो तर प्रहरीले तत्कालै नियन्त्रणमा लियो । कुनै अप्रिय घटना नभएको बताउनुभयो ।
गौतमलाई अहिले जिल्ला प्रहरी कार्यालय बागलुङमा राखिएको छ । घटनाको बारेमा थप अनुसन्धान भइरहेको प्रहरी नायब उपरीक्षक केसीले बताउनुभयो ।
प्रतिक्रिया राख्नुहोस्