जापानले संयुक्त राष्ट्रसंघको विश्वव्यापी कृषि सम्पदा प्रणालीको महत्वको लागि नयाँ स्थान चयन गरेको छ। यो प्रणलीले पारिस्थितिकी प्रणालीको संरक्षणसंगै परम्परागत तर नवीन खेतीमा संलग्न ग्रामीण क्षेत्रहरूलाई मान्यता दिनेछ ।
संयुक्त राष्ट्रको खाद्य र कृषि संगठनको यो कार्यक्रमका लागि जापानका १३ स्थलसंगै विश्वका २३ देशका ७२ क्षेत्रलाई सामेल गरिएको छ । जापानको कृषि मन्त्रालयले यस विषयमा विज्ञहरूसँग मिलेर वाकायामा प्रान्तको एरिडा र शिमोत्सुमा अमिलो फलको खेती गर्ने योजना बनाएको बताएको छ ।
यो क्षेत्र १७ औं शताब्दीको सुरुदेखि नै अमिलो फलफूलको उत्पादकको रूपमा विकसित भएको छ जसलाई ‘उन्शु मिकन’ भनिन्छ । किसानले फललाई ठूला रुखबाट सहारा मिल्ने भन्दै पहाडको भिरालो क्षेत्रमा ढुंगा लगाएर सिँढीजस्तो प्रणाली बनाएका छन् ।
कृषि मन्त्रालयले यसै वर्ष आधिकारिक आवेदन पठाउने योजना बनाएको पनि जानकारी दिएको छ ।
प्रतिक्रिया राख्नुहोस्