देशका विभिन्न स्थानमा आगलागीबाट विभिन्न धनमाल जलेर नष्ट भएको छ । सप्तरी, छिन्नमस्ता गाउँपालिका-२ मोहनपुर बस्ने ५० वर्षीय हरि नारायण यादव र ३५ वर्षीय आनन्द कुमार यादवको घरमा करेन्ट सर्ट भई सोमबार साँझ आगलागी हुँदा दुबै जनाको घर पूर्णरूपमा जलेर करिब २२ लाख रूपैयाँ बराबरको धनमाल नष्ट भएको छ ।
यसैगरी सप्तरी, छिन्नमस्ता गाउँपालिका-२ मोहनपुर बस्ने ६६ वर्षीय ब्रजेश्वर मण्डल, ५५ वर्षीय बिजुली मण्डल र ५५ वर्षीय धनिकलाल मण्डल समेत ३ जनाको घरमा गएराति आगलागी हुँदा तीनै जनाको घर पूर्णरूपमा जलेर करिब २३ लाख रूपैयाँ बराबरको धनमाल नष्ट भएको छ ।
त्यस्तै सिरहा, नरहा गाउँपालिका-२ पानवारी चोकस्थित सोही गाउँपालिका-५ बस्ने ५० वर्षीय सतो यादवको किराना, चोकर, मलखाद र जुत्ता चप्पलको पसलमा करेन्ट सर्ट भई सोमबार राति आगलागी हुँदा करिब ८५ लाख रूपैयाँ बराबरको धनमाल जलेर नष्ट भएको छ ।
यस्तै मोरङ, पथरी शनिश्चरे नगरपालिका-४ जरायो टोल बस्ने धन बहादुर रसायलीको घरमा करेन्ट सर्ट भई सोमबार राति आगलागी हुँदा घर पूर्णरूपमा जलेर करिब ४ लाख रूपैयाँ बराबरको धनमाल नष्ट भएको छ । प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्