देशका विभिन्न स्थनमा भएको आगलागीबाट विभिन्न धनमाल जलेर नष्ट भएको छ । सुनसरी, दुहवी नगरपालिका-३ बस्ने कैलास रायको सोनु रोयल सिटि/अटो रिपेरिङ पसलमा विद्युत सर्ट भई सोमबार बेलुकी आगलागी हुँदा पसल र पसल भित्र रहेका सम्पूर्ण सामानहरू पूर्णरूपमा जलेर करिब ४ लाख रूपैयाँ बराबरको धनमाल नष्ट भएको छ ।
त्यस्तै मकवानपुर, हेटौंडा उपमहानगरपालिका-१३ पानतले बस्ने भक्त बहादुर लामा थोकरको घर संगै जोडिएको भान्सा घरमा गए राति आगलागी हुँदा करिब ६ लाख रूपैयाँ बाराबरको धनमाल जलेर नष्ट भएको छ । यस्तै काठमाडौं, गोकर्णेश्वर नगरपालिका-५ जम्बुडाँडा नजिक रहेको लिम्पीया स्कुलको लेखा शाखामा करेन्ट सर्ट भई गए राति आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ ।
उता रौतहट, परोहा नगरपालिका-७ नरकटियास्थित सेलर मिलमा गए राति आगलागी हुँदा मिलको मेशिनहरू जलेर करिब १३ लाख रूपैयाँ बराबरको धनमाल नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्