मृत अवस्थामा देशका विभिन्न स्थानबाट पाँच जना फेला परेका छन् । झापा, बिर्तामोड नगरपालिका-९ बद्रीबारी बस्ने ४५ वर्षीय बुद्धलाल महतो सोही ठाउँस्थित खेतमा मंगलबार मृत अवस्थामा फेला परेका छन् ।
यसैगरी झापा, दमक नगरपालिका-७ डेरा गरी बस्ने ५५ वर्षीया देव कुमारी अधिकारी आफ्नो कोठामा मंगलबार मृत अवस्थामा फेला परेकी छिन् । त्यस्तै उदयपुर, उदयपुरगढी गाउँपालिका-७ हिलेगैरे खोलाको बगरमा सोही गाउँपालिका-७ घलेटोल बस्ने ४६ वर्षीय नईन्द्र घलेमगर मंगलबार मृत अवस्थामा फेला परेका छन् ।
यस्तै मोरङ, बेलबारी नगरपालिका-५ कालिथान चोकस्थित धैदती खोलामा सोही ठाउँ बस्ने ६४ वर्षीय श्यामकुमार राई मंगलबार मृत अवस्थामा फेला परेका छन् । उता कास्की, मादी गाउँपालिका-४ लामिछानेथोक बस्ने ८५ वर्षीय झ्यापु नारायण लामिछाने सोही गाउँपालिका-४ बगालेडाँडाको जिमरे भिरमा मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया राख्नुहोस्