मृत अवस्थामा पाँच जना फेला

देशका विभिन्न स्थानबाट मृत अवस्थामा पाँच जना फेला परेका छन् । काठमाडौं, बुढानिलकण्ठ नगरपालिका-१३ थानेडाँडा सामुदायिक वनमा सोही नगरपालिका-२ माथिल्लो भङ्गाल बस्ने ४० वर्षीय पवन थापा मंगलबार मृत अवस्थामा फेला परेका छन् ।

त्यस्तै बर्दिया, ठाकुरबाबा नगरपालिका-४ खैलारस्थित बबई नदीको बिच टापुमा सोही नगरपालिका-१ भुरीगाउँ बस्ने २५ वर्षीया सुस्मिता थारू मंगलबार मृत अवस्थामा फेला परेकी छिन् । यस्तै जाजरकोट, नलगाड नगरपालिका-८ हलचौर बस्ने ३१ वर्षीय अमर बहादुर खत्री सोही ठाउँस्थित कुनी खोला भिरमा मंगलबार मृत अवस्थामा फेला परेका छन् ।

यता दोलखा, बिगु गाउँपालिका-४ मलदुङ्ग डबली बस्ने ६५ वर्षीय तारा बहादुर वली आफ्नै घर नजिक नालीमा मंगलबार मृत अवस्थामा फेला परेका छन् । उता इलाम, सुर्योदय नगरपालिका-७ सिस्ने बस्ने ३१ वर्षीय पुकार निरौला आफ्नै घर नजिक कुखुरा फर्ममा मंगलबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।