धनुषाको महेन्द्रनगरस्थित इलाका प्रहरी कार्यालयमा विभिन्न घटनाको आरोपमा थुनामा रहेका ६ जना कार्यालयको भित्ता फोडेर भागेका छन् ।
फरार हुनेहरुमा रोशन महतो, शङ्कर महतो, विनोदकुमार महतो, अनित मण्डल, रोशन यादव र हरि घिसिङ रहेका छन् । फरार भएका मध्ये विनोद र अनित लागू औषध, रोशन र हरि अभद्र व्यवहार तथा रोशन र शङ्कर अवैध हातहतियार मुद्दाका आरोपित रहेका छन् ।
जिल्ला प्रहरी कार्यालय धनुषाका प्रवक्ता तथा प्रहरी नायव उपरीक्षक प्रदीपबहादुर क्षेत्रीले राती २ देखि ४ बजेको बिचमा थुनुवा कक्षको दक्षिणी भागको भित्ता भत्काएर उनीहरू फरार भएको हुनसक्ने बताउँदै फरार भएकाहरूको खोजी कार्य तीव्र रूपमा भइरहेको उहाँले बताउनुभयो ।
प्रतिक्रिया राख्नुहोस्