मलेसियामा जारी एसिसी वुमन्स प्रिमियर कपअन्तर्गत नेपालले पहिलो खेलमा नेपाललाई हङकङले जितका लागि ९४ रनको लक्ष्य दिएको छ ।
![Nepal-HKN Womens](https://www.nepaljapan.com/wp-content/uploads/2024/02/Nepal-HKN-Womens-e1707535975237.jpg)
मलेसियाको सेलाङ्गुर टर्फ क्लबमा नेपाली टोलीकी कप्तान इन्दु बर्माले टस जितेर पहिला फिल्डिङ गर्ने निर्णय लिइन् । हङकङले निर्धारित २० ओभरको खेलमा आठ विकेट गुमाएर ९३ रन बनायो ।
हङकङका लागि कप्तान चान का यिङ क्यारीले सर्वाधिक २१ रन बनाइन् । उनले ३१ बल खेल्ने क्रममा तीन चौका प्रहार गरिन् । यस्तै मर्यम बिबीले १९, यास्मिन दस्वानीले १५ तथा नताशा माइल्सले ११ रन बनाइन् ।
बलिङतर्फ नेपालकी पूजा महतो र रुविना क्षेत्रीले दुई दुई तथा कविता जोशी र सीता रानामगरले एक एक विकेट लिइन् ।
प्रतिक्रिया राख्नुहोस्