काठमाडौं जिल्लाको उत्तरी भेगमा पर्ने गोकर्णेश्वर नगरपालिका अन्तर्गत सुन्दरीजल लगायत क्षेत्रका बासिन्दा शिवपुरी आरक्षणका कारण आवत जावतका लागि पनि शुल्क तिर्नुपर्ने बाध्यता रहेको छ ।
प्रतिनिधिसभाको बुधबारको बैठकमा काठमाडौं क्षेत्र नं. ३ का सांसद सन्तोष चालिसेले बैठकको शुन्य समयमा सो कुराको जानकारी दिंदै शुल्क लिने कार्य बन्द गराउन ध्यानाकर्षण गराउनुभएको हो ।
बैठकमा बोल्दै चालिसेले शिवपुरी आरक्षणको सुरक्षार्थ राखिएको चेकपोष्ट हुँदै आवतजावत गर्नेहरुलाई शुल्क लिने गरिएको र यसबाट सो क्षेत्रको पर्यापर्यटनदेखि सामान्य जनजीवन प्रभावित भएको बताउनुभयो ।
चालिसेले आरक्षणको सुरक्षाका लागि चेकपोष्ट राख्नुपर्छ तर स्थानीलाई ओहोरदोहोर गर्दा शुल्क लिने काम बन्द गराउन सरकारको ध्यानाकर्षण गराउनुभयो ।
“आरक्षणको सुरक्षा चेकपोष्टका कारण सुन्दरीमाईको दर्शन गर्न जाने, वाग्मती नदीको उद्गमथलो वाग्द्वार जाने तथा अन्य पर्यटकहरुका साथै स्थानीयहरु मामाघर, ससुाल जाँदा पनि शुल्क तिनुपर्ने अवस्था छ । यसलाई तत्काल रोकेर जनजीवन सहज बनाइयोस्”, चालिसेले भन्नुभयो ।
प्रतिक्रिया राख्नुहोस्