देशका विभिन्न स्थानमा आगलागीबाट विभिन्न धनमाल जलेर नष्ट भएको छ । सुनसरी, हरिनगरा गाउँपालिका-४ नुनिया टोल बस्ने श्याम कुमार महतोको घरमा विद्युत सर्ट भई आइतबार दिउँसो आगलागी हुँदा करिब ५ लाख रूपैयाँ बराबरको धनमाल जलेर नष्ट भएको छ ।
साथै उक्त आगो फैलिएर सोही ठाउँ बस्ने मुसाई महतोको घरमा समेत आगलागी हुँदा करिब २ लाख रूपैयाँ बराबरको धनमाल जलेर नष्ट भएको छ । त्यस्तै उदयपुर, रौतामाई गाउँपालिका-२ नौले बस्ने धन बहादुर कार्कीको घरमा सोमबार बिहान आगलागी हुँदा घर, घरभित्र रहेको किराना पसल, सुनचाँदी, अन्नपात, लत्ताकपडा, भाँडावर्तन लगायतका सरसामान जलेर करिब १० लाख रूपैयाँ बराबरको धनमाल नष्ट भएको छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्