प्रख्यात लोक गायक तथा कलाकार जयनन्द लामाको निधन भएको छ । लोकगायनसंगै अभिनयमा पनि सक्रिय लामा आज बिहान घरको गेटमै गाडीबाट लडेको अवस्थामा मृत फेला पर्नुभएको थियो ।
सिन्धुपाल्चोकको बाह्रबिसेमा जन्मिनुभएका लामाले थुप्रै मौलिक लोकगीत गाउनुका साथै चलचित्र मनको बाँध, छक्कापञ्जा लगायत चलचित्रहरुमा पनि अभिनय गर्नुभएको थियो ।
पछिल्लो समय उहाँ हाँस्य टेलीश्रृंखला हल्का रमाइलोमा उनले अभिनय गर्दै आउनुभएको थियो भने नेपाली लोक दोहोरीको रियालिटी शो ‘नेपाल लोकस्टार’मा निर्णायकको भूमिका पनि निर्वाह गर्नुभएको थियो ।
लामाका कलकत्ते काइँयो, चुइँ चुइँ चुइँकने जुत्ता, मुलाको चाना, सलल पानीलगायत थुप्रै लोकगीतहरु चर्चित छन् ।
प्रतिक्रिया राख्नुहोस्