सत्तारुढ दल नेकपा एमालेका मुख्य सचेतक महेश बर्तौलाले पूर्वराजा ज्ञानेन्द्र शाहका पक्षमा भैरहेको पछिल्लो गतिविधि उहाँकै निर्देशनमा भएको भन्दै यो कार्य दण्डनीय भएको बताउनुभएको छ ।
मंगलबार प्रतिनिधिसभा बैठकमा आकस्मिक समय लिएर बोल्दै बर्तौलाले पूर्वराजा शाहको निर्देशन र उक्साहटबाट यस्ता गतिविधि भइरहेको र सो कार्य दण्डनीय भएको भन्दै भन्दै त्यसतर्फ सरकारको ध्यानाकर्षण गराउनुभयो ।
उहाँले भन्नुभयो, पूर्वराजा ज्ञानेन्द्रको नामबाट, उहाँको निर्देशन र उक्साहटबाट संविधान विपरितका कार्य भइरहेका छन् । पञ्चायतकालीन राष्ट्रिय गान गाउने, मुलुकको राष्ट्रिय गान गाउने, अवमूल्यन गर्ने काम भइरहेका छन् । पूर्वराजा स्वयंले उक्साइरहेका छन् । उनको उपस्थितिमा यी कामहरू भइरहेका छन् ।’
त्यसै गरी बर्तौलाले प्रदर्शनका क्रममा उत्तरप्रदेशका मुख्यमन्त्री योगी आदित्यनाथको ब्यानरसहित र्याली हुनु गैरकानुनी भएको बताउँदै त्यस्तालाई कानुनी दायरामा ल्याउन आग्रह गर्नुभयो ,
आफ्नो धारणा राख्ने क्रममा बर्तौलाले संग्राहलयमा थन्किएको राजतन्त्रलाई फेरि पनि हुकुमका माध्यमबाट देश चलाउँछु भन्ने सपना देख्ने वा देख्न लगाउनेहरू सचेत हुनुपर्ने बताउनुभयो ।
प्रतिक्रिया राख्नुहोस्