सन् २०१४ मा भएको आईसीसी टी २० विश्वकपमा सहभागिता जनाएको नेपालले त्यसपछि नौ वर्षपछि नेपालले एकदिवसीय विश्वकपमा छनोट भएको छ ।
काठमाडौंमा बिहिबार सम्पन्न आईसीसी विश्वकप लिग २ अन्तर्गत त्रिदेशीय सिरिजको अन्तिम तथा निर्णायक खेलमा संयुक्त अरब इमिरेट्स युएई)लाई हराउँदै नेपालले एकदिवसीय विश्वकपमा छनोट भएको छ ।
त्रिवि मैदान कीर्तिपुरमा बिहीबार जितका लागि तीन सय ११ रनको लक्ष्य पछ्याएको नेपालले ४५ ओभरमा ६ विकेटको क्षतिमा दुई सय ६९ रन बनाउँदा कमजोर प्रकाशका कारण खेल रोकिएपछि युएईलाई डिएल मेथोडमा नौ रनले हराउँदै विश्वकपमा छनोट भएको हो ।
अम्पायरले खेल रोक्दै नेपाललाई विजेता घोषित गरेपछि युएईका खेलाडीले भने असन्तुष्ट जनाएका थिए । त्यसपछि नेपाली खेलाडीले खुसीयाली मनाएका थिए ।
सुरुवातमा बलिङमा कमजोर प्रदर्शन गरेको नेपालले ब्याटिङमा राम्रो खेल्यो । जितका लागि विशाल योगफल पछ्याएको नेपालका लागि चार ब्याट्सम्यानले अद्र्धशतक पूरा गरे ।
नेपालका लागि भिम सार्कीले सर्वाधिक ६७ रनको अर्धशतकीय पारी खेले भने आरिफ शेखले ५२ तथा ओपनर कुशल भुर्तेलले ५० तथा गुल्शन झाले ५० रनमा अविजित रहे ।
सुरुवाती ब्याट्सम्यान आशिफ शेख शुन्यममा आउट भए भने कुशल मल्ल ५ रनमा र कप्तान रोहित पौडेलले १६ रनमा आउट हुँदा दीपेन्द्र सिंह ऐरी १० रनमा अविजित रहे ।
बलिङमा युएईका जुनईद सिद्धिकीले तीन विकेट लिनुभयो । आयान अफ्जल खानले दुई तथा जाहोर खानले एक विकेट लिए ।
यसअघि टस जितेर पहिला ब्याटिङ गरेको युएईले निर्धारित ५० ओभरमा ६ विकेटको क्षतिमा तीन सय १० रनको विशाल योगफल बनाएको थियो ।
युएईका लागि आशिफ खानले एक सय एक रनको शतकीय पारी खेल्नुभयो । उहाँले ४२ बलमा चार चौका र ११ छक्काको सहयोगमा उक्त रन बनाउनुभएको हो ।
यस्तै वृत्य अरविन्दले ९४ रन बनाउनुभयो । कप्तान मोहम्मद वासिमले ६३ र रोहन मुस्ताफाले २० रन बनाउनुभयो । बलिङमा नेपालका दीपेन्द्रसिंह ऐरीले दुई विकेट लिनुभयो । ललित राजवंशी, सन्दीप लामिछाने र सोमपाल कामीले एक एक विकेट लिनुभयो ।
जितसँगै नेपालले आगामी जुन जुलाईमा जिम्बावेमा आयोजना हुने विश्वकप छनोटमा सोझै स्थान बनाएको छ । नेपालले घरेलु सिरिजमा क्लीन स्वीप गरेको छ । नेपाल लिगको सबै ३६ खेलबाट ४० अंक जोड्दै तेस्रो भयो । समान खेलबाट ३३ अंक बनाएको युएई छैटौं स्थानमा रह्यो ।
यस सिरिजको अर्को टोली पपुवा न्युगिनी ९पीएनजी० ११ अंक जोड्दै अन्तिममा रह्यो । नेपालको जितले ३९ अंक बनाएको नामिबिया चौथो स्थानमा झरेको छ ।
सात टोली सहभागी लिगमा स्कटल्यान्ड च्याम्पियन बन्दै शीर्षस्थानमा छ । ओमान ४४ अङ्कसहित दोस्रो स्थानमा छ । स्कटल्यान्ड र ओमानले यसअघि नै जिम्बावेले यात्रा तय गरिसकेका छन् । लिगमा ३५ अङ्क बनाएको अमेरिका पाँचौँ स्थानमा रहेको छ ।
लिगको अन्तिम चारमा रहेका टोलीले अब यसै महिनाको अन्तिममा नामिबियामा हुने प्लेअफ क्वालिफायर खेल्नेछन् । प्लेअफ क्वालिफायरमा लिग–२ को अन्तिम चारमा रहेका युएई, अमेरिका, नामिबिया र पीएनजीसहित आईसीसी च्यालेन्ज लिग समूह ‘बी’ को विजेता जर्सी र ‘ए’ को विजेता क्यानडा गरी ६ टोलीबीच प्रतिस्पर्धा हुनेछ । यी ६ टोलीबाट शीर्ष दुईले जिम्बावेमा हुने विश्वकप छनोट खेल्न पाउनेछन् ।
यस्तै जिम्बावेमा हुने विश्वकप छनोटमा १० टोलीबीच प्रतिस्पर्धा हुनेछ । जसमा विश्वकप छनोटमा सुपर लिग–२ को अन्तिममा रहेका पाँच टोली, लिग–२ का शीर्ष तीन टोली र प्लेअफ क्वालिफायरमा शीर्ष दुई टोली रहनेछन् । १० टोलीलाई दुई समूहमा विभाजन गरिनेछ । समूहबाट शीर्ष तीन तीन टोलीलेसुपर सिक्समा स्थान बनाउनेछन् ।
सुपर सिक्समा एक अर्कासँग खेलेपछि शीर्ष दुईमा रहने टोली गमी अक्टोबर नोभेम्बरमा भारतमा हुने एकदिवसीय विश्वकपमा छनोट हुनेछन् । भारतमा हुने विश्वकपमा कूल १० टोलीको सहभागिता रहनेछ ।
प्रतिक्रिया राख्नुहोस्