प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा त्रिभुवन आर्मी क्लबले मधेस प्रदेशलाई दुई सय १८ लक्ष्य दिएको छ । बुधबार लमहीमा रहेको देउखुरी क्रिकेट मैदानमा टस जितेर पहिले ब्याटिङ गरेको आर्मीले निर्धारित ५० ओभरमा सात विकेट गुमाएर दुई सय १७ रनको बनाएको हो ।
आर्मीका लागि भीम सार्कीले एक सय २६ बलको सामना गर्दै ४ चौका प्रहार गर्दै सर्वाधिक ८९ रन जोडे । उनी शतक बनाउँन ११ रनले चुके । त्यस्तै सन्तोष कार्की ५३ बलमा तीन चौकाको मद्दतमा ३३ रन जोड्दा कुशल मल्ल २४ रनमा अविजित रहे ।
यस्तै विवेक यादवले १६, तृत राज दासले १४, कप्तान विनोद भण्डारी ११, बसिर अहमद १० रन र नरेन साउद ८ रनमा नट आउट रहे । मधेसका लागि पवन सरार्फ, कमल गुप्ता र रुपेश सिंहले समान दुई-दुई विकेट लिए भने रञ्जित कुमारको भागमा एक विकेट रह्यो ।
प्रतिक्रिया राख्नुहोस्