राष्ट्रपति डोनाल्ड ट्रम्पको सरकारसँगको विवादमा संयुक्त राज्य अमेरिकाबाट निष्कासित गरिएका दक्षिण अफ्रिकी राजदूत आइतबार हर्षित स्वागतार्र्थीहरू बीच घर फर्केर यस निर्णयप्रति दृढ भनाइ राख्नुभएको छ ।
“घर फर्कने हाम्रो रोजाइ थिएन, तर हामी कुनै पछुतो बिना घर फर्केका छौँ”, इब्राहिम रसुलले केप टाउनमा सयौँ समर्थकलाई भन्नुभयो । ट्रम्पलाई घृणा गर्ने ‘जातिवादी उत्तेजना गर्ने राजनीतिज्ञ’ भएको आरोपमा उहाँलाई वासिङ्टनबाट निष्कासन गरिएको थियो ।
दक्षिण अफ्रिकाको श्वेत भूमि विरोधी नीति, अन्तर्राष्ट्रिय अदालतमा इजरायल विरुद्धको नरसंहारको मुद्दा र अन्य विदेश नीति द्वन्द्वका कारण ट्रम्पले आर्थिक सहायता कटौती गरेपछि वासिङ्टन र प्रिटोरियाबीचको सम्बन्ध बिग्रिएको छ ।
ट्रम्पको ‘मेक अमेरिका ग्रेट अगेन’ आन्दोलनलाई अमेरिकामा विविधताको सर्वोच्चतावादी प्रतिक्रियाका रूपमा वर्णन गरेपछि रसुललाई अमेरिकी विदेशमन्त्री मार्को रुबियोले गत हप्ता निष्कासन गरिएको बताउनुभएको थियो ।
पूर्व रङ्गभेद विरोधी अभियानकर्ता रसुलले आइतबार आफ्नो टिप्पणीको रक्षा गर्दै दक्षिण अफ्रिकी बुद्धिजीवी, राजनीतिक नेताहरू र अन्यसँग कुरा गर्दै ‘अमेरिकासँग व्यापार गर्ने पुरानो तरिका काम गर्न गइरहेको छैन’ भनेर बताउनुभएको थियो ।
“जबसम्म हामी अमेरिकासँग बोल्ने हाम्रो तरिका परिवर्तन गर्दैनौँ र अमेरिका के हो भन्ने बुझ्दैनौँ – यो ओबामाको अमेरिका होइन, यो क्लिन्टनको अमेरिका होइन – यो एक फरक अमेरिका हो र त्यसैले हाम्रो भाषा लेनदेनमा मात्र परिवर्तन हुनु हुँदैन तर दक्षिण अफ्रिकामा एक सीमान्त श्वेत समुदायलाई आफ्नो निर्वाचन क्षेत्रका रूपमा स्पष्ट रूपमा पहिचान गर्ने समूहमा प्रवेश गर्न सक्ने भाषा पनि हुनुपर्छ”, उहाँले भन्नुभयो ।
ट्रम्पले फेब्रुअरीमा दक्षिण अफ्रिकालाई दिने अमेरिकी सहायता रोक्का गर्नुभयो । उहाँले देशको एक कानूनलाई उद्धृत गर्दै उक्त कानूनले श्वेत किसानहरूबाट जमिन जफत गर्न अनुमति दिन्छ भनी आरोप लगाउनुभयो ।
दक्षिण अफ्रिकाका किसानहरूलाई संयुक्त राज्य अमेरिकामा बसोबास गर्न स्वागत गरिएको भन्दै सरकारले श्वेत मानिसहरूबाट जग्गा ‘जफत’ गरिरहेको छ भन्ने प्रमाण प्रदान नगरी आफ्नो आरोप दोहोर्या एपछि ट्रम्पले यस महिना तनावलाई अझ बढाउनुभएको छ ।
प्रतिक्रिया राख्नुहोस्