छोरीको सहयोगका लागि जापान आएकी धमलाको निधन- शुक्रबार अन्त्येष्टि

नेपाल जापान १३ चैत्र १९:१७

आफ्नी छोरी सुत्केरी हुने समयमा सघाउन विगत चार महिनादेखि चिबा, जापानमा बस्दै आउनुभएकी ओखलढुंगा निवासी ममता धमलाको अकस्मात निधन भएको छ । एक हप्तादेखि अकस्मात स्वस्थ अवस्था बिग्रिएपछि फुनाबसी सिरीचु अस्पतालमा उपचारका क्रममा उहाँको निधन भएको हो ।

उहाँको रगतमा ब्याक्टेरियाका कारण फोक्सोमा जटिल समस्या देखिएको थियो । चार महिनाअघि गर्भवती रहेकी सम्झना धमालाले सुत्केरी हुने समयमा सहयोगका लागि आमालाई बोलाउनुभएको थियो ।

यसैबीच ओखलढुंगा सेवा समाजले दिवंगत धमलाको आत्माको चीर शान्तिको कामना गर्दै उहाँको अन्त्येष्टिका लागि आर्थिक सहयोगको आव्हान गरेको छ । साथै उहाँको अन्त्येष्टि मार्च २७ शुक्रबार हुने जानकारी गराइएको छ ।

समाजले मृतक ममता धमलाको आर्थिक अवस्था कमजोर भएकाले आर्थिक सहायोगको लागि स्थानीय संघ संस्था तथा सम्पूर्ण जापानबासी नेपालीहरुमा अपील गरेको छ ।

समाजले हालका लागि आर्थिक संकलन मृतककी छोरी समझना धमालाको खातामा जम्मा गर्न अनुरोध गर्दै सबै सहयोग दाताहरूले सहयोग गरेको बैंक डिपोज़िट स्लिप पठाउन अनुरोध गरेको छ । साथै समाजले यस विषयमा एनआरएनएसंग समन्वय गरेर अगाडि बढ्ने पनि जानकारी दिएको छ ।

सहयोगका लागि खाता विवरण: जापान पोस्टबैक
12330-30747251
アデイカリ　ナラヤン

यसैबीच समाजले मृतकको शवको शुक्रबार नै तल उल्लेखित स्थानमा अन्त्येष्टि गर्ने जनाएको छ।