इन्डियन प्रिमियर लिग (आइपिएल) क्रिकेटमा गुजरात टाइटन्सले दोस्रो जित हासिल गरेको छ । आइतबार साँझ भएको खेलमा सनराइजर्स हैदराबादलाई ७ विकेटले हराउँदै गुजरातले प्रतियोगितामा दोस्रो जित हासिल गरेको हो ।
जारी प्रतियोगितामा सनराइजर्सको भने यो दोस्रो हार हो । भारतको अहमदाबादमा टस जितेर पहिले ब्याटिङ गरेको हैदराबादले निर्धारित २० ओभरमा ८ विकेट गुमाएर १ सय ६२ रन बनाएको थियो । हैदराबादको लागि अभिषेक शर्मा र अब्दुल समादले समान २९-२९ रन बनाए भने हेनरीक क्लासेनले २४ रन जोडे ।
त्यस्तै सहबाज अहमेदले २२ रन जोड्दा, ट्राभिस हेडले १९, एइडन माक्रमले १७ र मंयक अग्रवालले १६ रन बनाए। गुजरातका लागि मोहित शर्माले ३ विकेट लिए भने अज्मतुल्लाह ओमारजाई, उमेश यादव, रसिद खान र नूर अहमदले समान एक एक विकेट लिएका थिए ।
१ सय ६३ रन पछ्याएको गुजरातले १९.१ ओभरमा ३ विकेट गुमाएर लक्ष्य पूरा गर्यो । गुजरातका लागि डेभिड मिलरले अविजित रहँदै ४४ रन बनाए भने कप्तान शुभमन गिलले ३६ रन जोडे । त्यस्तै साइ सुदर्शनले ४५ रन जोड्दा ऋद्दिमान साहाले २५ रन बनाए । हैदराबादको लागि सहबाज अहमद, मायांक मारकन्डे र प्याट कमिन्सले समान एक-एक विकेट लिए ।
प्रतिक्रिया राख्नुहोस्