इन्डियन प्रिमियर लिग (आइपिएल)मा पञ्जाब किङ्सले लगातार दोस्रो जित निकालेको छ । मंगलबार राति भएको खेलमा लखनउ सुपर जायन्ट्सलाई आठ विकेटले पराजित गर्दै पञ्जाबले प्रतियोगितामा लगातार दोस्रो जित निकालको हो ।
लखनउको घरेलु मैदान भारत रत्न श्री अटल बिहारी वाजपेयी एकना क्रिकेट स्टेडियममा भएको खेलमा टस हारेर पहिले ब्याटिङ गरेको लखनउले निर्धारित २० ओभरमा ७ विकेट गुमाउँदै एक सय ७१ रन बनाएको थियो । लखनउका लागि निकोलस पुरनले ३० बलमा पाँच चौका र दुई छक्काको सहयोगमा सर्वाधिक ४४ रन बनाए भने आयुष बदोनीले ३३ बलमा एक चौका र तीन छक्काको मद्दतमा ४१ रन जोडे ।
त्यस्तै अब्दुल समादले २७ रन जोड्दा एडेन मारक्रमले २८ र डेबिड मिलरले १९ रन बनाए । पञ्जाबका लागि अर्शदिप सिंहले तीन विकेट लिए भने लकि फर्गुसन, ग्लेन म्याक्सवेल, मार्को यानसन र युजभेन्द्र चहलको भागमा समान एक-एक विकेट रह्यो । लखनउले दिएको एक सय ७२ रनको लक्ष्य पञ्जाबले १६.२ ओभरमा दुई विकेट गुमाएर पूरा गर्यो ।
पञ्जाबको लागि ओपनर प्रवसिमरान सिंहले ३४ बलमा नौ चौका र तीन छक्का प्रहार गर्दै ६९ रनको अर्धशतकीय पारी खेले भनेकप्तान श्रेयस अय्यरले ३० बलमा तीन चौका र चार छक्काको सहयोगमा ५२ रनमा अविजित रहे रहे । यस्तै नेहाल वाधेराले २५ बलमा तीन चौका र चार छक्काको सहयोगमा ४३ रनमा नट आउट रहे । लखनउका लागि दिग्वेश राठीले दुई विके लिए ।
जितसंगै पञ्जाब दुई खेलमा चार अंक जोड्दै साथ तालिकाको दोस्रो स्थानमा उक्लिएको छ भने तीन खेलमा दुई अंक जोडेको लखनउ छैठौं स्थानमा रहेको छ । प्रतियोगिता अन्तर्गत आज राति ७:४५ बजे रोयल च्यालेन्जर्स बेङ्गलुरु र गुजरात टाइटन्स भिड्दै छन् ।
प्रतिक्रिया राख्नुहोस्