विद्यालय शिक्षा ऐनको माग गर्दै आन्दोलित भएका शिक्षकहरु एसइई र विद्यालय तहको परीक्षाका कारण रोकिएका भए पनि ती सबै परीक्षा सम्पन्नन भएपछि उनीहरु पुनः आन्दोलनमा उत्रिएका छन् ।
नेपाल शिक्षक महासंघको अगुवाईमा शिक्षकहरूले आज चैत्र २० गतेदेखि नयाँ चरणको सडक आन्दोलन सुरु गर्दैछन् । महासंघले आज दिउँसो १ बजेबाट माइतीघर मण्डलामा धर्ना दिन लागेको छ ।
नेपाल शिक्षक महासंघको अगुवाइमा हुन लागेको आन्दोलनमा देशभरबाट ४ लाख शिक्षक कर्मचारी सहभागी हुने आँकलन गरिएको छ ।
आन्दोलनमा आउन लागेका शिक्षकलाई महासंघले १० बुँदे निर्देशन दिंदै शिक्षकहरूले माग पूरा नभएसम्म एसईईको उत्तरपुस्तिकासमेत परीक्षण नगर्ने घोषणा गरेका छन् ।
विद्यालय शिक्षा ऐनका विषयमा निकै ठूला कुरा गरिए पनि विधेयक संसदमा प्रस्तुत नै नगरी संसदकोा हिउँदे अधिवेशन अन्त्य गरिएको छ । शिक्षा, स्वास्थ्य तथा सूचना प्रविधि समितिमा भने यसबारे छलफल जारी छ ।
प्रतिक्रिया राख्नुहोस्