नेपाली नयाँ वर्ष २०८० को अवसर पारेर नेपाली युवाहरुको वास्तविक कथामा आधारित चलचित्र सिग्नेचर यही अप्रिल १० मा ओशाकामा प्रर्दशन हुने भएको छ ।
सभ्य सिर्जना प्रालिको व्यानरमा निमार्ण भएको चलचित्र खान्साई नेपाली समाज ओशाकाको स्थानीय आयोजनामा सिन ओसाकामा रहेको कोको प्लाजामा प्रर्दशन हुन लागेको हो ।
नेपाली समुदायमा देखिएको विविध विकृति र विसंगतिलाई कसरी एक युवाले गलत बाटोबाट सकारात्मक बाटोमा जाने प्रण गर्छ भन्ने सकारात्मक परिवर्तनको कथालाई चलचित्रमा समेटिएको निर्माता समेत रहनुभएका चर्चित गीतकार प्रकाश सुवेदीले जनाकारी दिनुभयो ।
निर्माता सुवेदीको सहभागितामा चलचित्रलाई जापानभरि प्रर्दशन गर्ने तयारीका साथ दोस्रो खुल्ला प्रर्दशन ओशाकामा हुन लागेको हो । यसअघि पहिलो प्रर्दशन यामागुचीको स्थानिय हलमा गरिएको थियो ।
चलचित्र ओस्कार इन्टरनेशनल कलेज, स्कुल फाउण्डेशन र सभ्य सृजना प्रालिका अध्यक्ष समेत रहनुभएका लेखक तथा निर्देशक सागर उद्गमको परिकल्पना, लेखन निर्देशनमा तयार भएको हो ।
चलचित्रमा चर्चित कलाकारहरु सन्दीप क्षेत्री, विनोद पौडेल, जीवनसाथी बस्नेत, नम्रता सापकोटा, निर्णय श्रेष्ठ, प्रज्ञा जोशी लगायतका कलाकारहरुले अभिनय गरेका छन ।
स्वास्थ्य मन्त्रालय एनसिएएस्सी अवार्ड अफ एक्सलेन्स प्राप्त गर्न सफल चलचित्रलाई नेपाल सरकारका विभिन्न निकाय सहित नेपाल रेडक्रस सोसाइटी, युएनएआडी लगायत संघसंस्थाले प्रचारप्रसार तथा नैतिक समथर्न गरेका छन्।
प्रतिक्रिया राख्नुहोस्