जापान सरकार र संयुक्त राष्ट्र जनसंख्या कोष (युएनएफपीए) ले जलवायु परिवर्तन र प्राकृतिक प्रकोपको सामना गर्न स्वास्थ्य सेवाको लचिलोपन बढाउनको लागि एक ऐतिहासिक पहल “नेपालमा मातृ तथा बाल स्वास्थ्य सेवा र अनुकूलन क्षमता सुधार गर्ने परियोजना” कार्यान्वयन गर्न एक सम्झौतामा हस्ताक्षर भएको छ ।
यस नयाँ साझेदारी अन्तर्गत, जापान सरकारले यस परियोजनालाई सहयोग गर्न आफ्नो सहयोग कोष अन्तर्गत १.१ मिलियन अमेरिकी डलर प्रदान गरेको छ, जुन युएनएफपीएले नेपाल सरकारसँगको नजिकको सहकार्यमा कार्यान्वयन गर्नेछ । यो परियोजना मार्च २०२५ देखि १२ महिनासम्म सञ्चालन हुनेछ, जुन नेपालका दुई सबैभन्दा बढी जलवायु जोखिममा रहेका जिल्लाहरू – कर्णाली प्रदेशको जाजरकोट र मधेश प्रदेशको रौतहटमा केन्द्रित हुनेछ।
यो परियोजनाले १० वटा मातृ स्वास्थ्य सुविधाहरूको पुनर्स्थापना र पुनर्निर्माण, सौर्य ऊर्जा, ऊर्जा-कुशल चिकित्सा उपकरण, र उन्नत पानी तथा फोहोर व्यवस्थापन प्रणालीहरूले सुसज्जित गर्ने कुरामा केन्द्रित हुनेछ । यसका साथै, परियोजनाले स्वास्थ्यकर्मीहरूले संकटको अवस्थामा आपतकालीन प्रसूति र नवजात शिशु हेरचाह सहित गुणस्तरीय मातृ हेरचाह प्रदान गर्न विशेष तालिम प्राप्त गर्नेछन् ।
यस पहलबाट प्रत्येक वर्ष कुल ४७,८९८ महिला र नवजात शिशुहरूलाई प्रत्यक्ष रूपमा लाभान्वित हुने अपेक्षा गरिएको छ, जसले गर्दा उनीहरूलाई जलवायु परिवर्तन र प्राकृतिक प्रकोपबाट हुने झट्काको सामना गर्न सक्ने गुणस्तरीय मातृ स्वास्थ्य सेवाहरूमा पहुँच प्राप्त हुनेछ।
नेपालका लागि जापानका राजदूत माइदा तोरुले यस सहयोगको महत्त्वमाथि प्रकाश पार्नुभयो । उहाँले भन्नुभयो, “नेपालले जलवायु सम्बन्धी चुनौतीहरूको सामना गरिरहेको बेला, जापानले विशेष गरी दुर्गम र प्रकोप-प्रवण समुदायहरूमा मातृ तथा नवजात शिशु स्वास्थ्य सेवाहरू सुरक्षित रहून् भन्ने कुरा सुनिश्चित गर्न नेपाल र युएनएफपीएसँग उभिन पाउँदा गर्व गर्दछ ।”
हस्ताक्षर समारोहमा बोल्दै, नेपालका लागि युएनएफपीए प्रतिनिधि योङ होङले नेपालको बृहत् जलवायु अनुकूलन र विपद् जोखिम न्यूनीकरण प्रयासहरूसँग परियोजनाको पङ्क्तिबद्धतामाथि प्रकाश पार्नुभयो ।
“यो साझेदारीले बढ्दो अप्रत्याशित संकटको सामना गरिरहेका सबैभन्दा जोखिममा रहेका व्यक्तिहरू – गर्भवती महिला र नवजात शिशुहरूलाई सुरक्षा दिने लचिलो स्वास्थ्य प्रणाली निर्माण गर्ने तत्काल आवश्यकतालाई जोड दिन्छ,” उहाले भन्नुभयो “नेपालको स्वास्थ्य प्रणालीलाई सुदृढ पार्ने र महिला स्वास्थ्य र अधिकारको संरक्षण गर्ने जापानको प्रतिबद्धताप्रति हामी आभारी छौं ।”
यो परियोजना यस्तो समयमा आएको छ जब नेपालको स्वास्थ्य सेवा प्रणाली भूकम्प, बाढी र गर्मीको संयुक्त प्रभावबाट संघर्ष गरिरहेको छ । हालैका मूल्याङ्कनहरूका अनुसार, प्रभावित जिल्लाहरूले मातृ स्वास्थ्य सेवा पूर्वाधार कायम राख्न संघर्ष गर्नु परिरहेको छ ।
प्रतिक्रिया राख्नुहोस्