काठमाडौंको गोकर्णेश्वर नगरपालिकाले स्थापना गरेको ‘गोकर्णेश्वर नगर साहित्य पुरस्कार’ २०८१ बाट सहित्यकारहरु प्रा.डा. बासुदेव त्रिपाठी र विजय चालिसे पुस्कृत हुनु भएको छ ।
चैत्र २२ गते शुक्रबार आत्तरखेलस्थित त्रिवेणी ब्याङ्क्वेटमा आयोजित समारोहमा नगर प्रमुख दीपक रिसालले पुरस्कृत श्रष्टालाई दोसल्ला, सम्मान पत्र तथा फूलमालासहित जनही १ लाख रुपैयाँको पुरस्कार अर्पण गर्नु भयो ।
सो अवसरमा नगर प्रमुख रिसालले यसै क्षेत्रको ग्राम निर्माण बन्धुमन्डल क्लबमार्फत किर्तिषेश रमेश विकलबाट साहित्यिक प्रभाव परेको स्मरण गर्दै आफू लगायत यस भेगका थुप्रै युवाहरु साहित्यिक विकासमा प्रेरित बनेको बताउनु भयो ।
नगरप्रमुख रिसालले विकलको साहित्यिक प्रभावकै कारण आफ्नै माटोमा स्थापित भएका विशिस्ट साहित्यकार सहित यस वर्षदेखि देशभरका विशिस्ट साहित्यिक ब्यक्तित्वलाई चयन गर्ने परम्पराको समेत विकास गर्ने सोच बनाएको बताउनुभयो ।
पुरस्कार अर्पण समारोहमा सम्मानित व्यक्तित्वबारेमा अभिनव साहित्य समाजका अध्यक्ष एवं नगर साहित्य पुरस्कार छनौट समितिका संयोजक गोविन्द प्रसाद घिमिरेले प्रकाश पार्नुभएको थियो ।
कार्यक्रममा पुस्कृत व्यक्ति प्रा.डा. त्रिपाठीले वागमती नदीको सिरानमा रहेको गोकर्णेश्वर नगरपालिकाले अनुकरणीय काम गर्दै आएको भन्दै खुशी ब्यक्त गर्नुभयो ।
उहाँले यसै भूमिका कालजयी लेखकहरु हाँस्यव्यङग्यकार भैरव अर्याल तथा आख्यानकार रमेश विकलको योगदानको स्मरण गर्नुभयो ।
अर्का पुरस्कृत साहित्यकार विजय चालिसेले आफ्नै जन्मथलोमा, विशिस्ट विद्वानहरुकाबीचमा पुरस्कृतत गरिएकोमा नगरपालिका, नगरप्रमुख तथा गोकर्णेश्वर नगरपालिका परिवारप्रति आभार प्रकट गर्नुभयो ।
सो समारोहमा नगरपालिकाको आर्थिक सहयोगमा रमेश विकल साहित्य प्रतिष्ठानद्वारा प्रकाशन भएका दुई ग्रन्थहरु रमेश विकल समग्र अन्तर्गत ‘बाल कथाखण्ड’ र ‘बालउपन्यास’, ‘बालनाटक’ र ‘अनुवादखण्ड’ एवं सुरभि साहित्य प्रतिष्ठानद्वारा प्रकाशित ‘द्रष्टा दृष्टिमा स्रष्टा विजय चालिसे’ नामक ग्रन्थहरुको लोकर्पण गरिएको थियो ।
कार्यक्रमा नेपाल सरकारका पुर्व सचिव एवं समालोचक गोपी मैनालीले विकल ग्रन्थका बारेमा समालोचनात्मक मन्तव्य राख्दै छरिएका कृतिको समग्र खण्ड प्रकाशन गर्ने कार्यमा विकल प्रतिष्ठान र नगरपालिकाको सहयोगी भूमिकाको प्रशम्शा गर्नु भयो ।
अर्का समालोचक प्रा.डा. कृष्णप्रसाद दाहालले द्रष्टा दृष्टिमा स्रष्टा विजय चालिसेुको बारेमा समीक्षा मन्तव्य राख्दै साहित्यकार चालिसेको लेखन कौशल तथा विमोचित ग्रन्थका बारेमा चर्चा गर्नुभयो ।
समीक्षा मन्तव्य राख्दै समालोचक युवराज मैनालीले आफु महानगरवासी भए पनि यस नगरका साहित्यिक सस्था र तिनका गतिविधि नियालिरहेको बताउनुभयो ।
उहाँले भन्नु भयो, “गोकर्णेश्वर नरपालिका साहित्यिक गतिविधिको आधारमा मात्र हैन शिक्षा, स्वास्थ्य, कला, साहित्य, संस्कृति, पूर्वाधार विकास तथा खेलकुद लगायत विभिन्न क्षेत्रमा देशकै अग्रणी नगरपालिकाको रुपमा देखिन्छ ।”
कार्यक्रममा नगरपालिकाकका प्रमुख प्रशासकीय अधिकृत यामनारायण गौली, ललितकला प्रज्ञा प्रतिष्ठानका पुर्व कूलपति केके कर्माचार्य, सुरभि साहित्य प्रतिष्ठानका अध्यक्ष एवं नगर साहित्य पुरस्कार छनौट समिति सदस्य बाजुराम पौडेल, शिक्षा, युवा तथा खेलकुद शाखा प्रमुख वीरबहादुर खड्का, विशेष अतिथि प्रा. ठाकुर शर्मा भण्डारीले आआफ्नो मन्तव्य राख्नुभएको थियो ।
प्रतिक्रिया राख्नुहोस्