उच्च अदालत बुटवलले थुनामा राख्ने आदेश दिएलगत्तै राष्ट्रिय स्वतन्त्र पार्टी (रास्वपा)का सभापति रवि लामिछानेलाई घरबाटै पक्राउ गरिएको छ ।
शुक्रबार उच्च अदालतको बुटवल इजलासले थुनामा पठाउन आदेश भएसंगै प्रहरीले लामिछानेलाई पक्राउ गर्न बुढानीलकण्ठस्थित निवासमा प्रहरीको टोली पुगेको थियो ।
लामिछानेलाई आज जिल्ला प्रहरी परिसर काठमाडौंको हिरासतमा राख्ने र भोलि शनिबार भैरहवा लगिने बताइएको छ ।
संयोग नै मान्नुपर्छ, रास्वपाले भोलि चितवनमा जनयात्रा शुभारम्भ कार्यक्रम आयोजना गरेको थियो । सो कार्यक्रममा सभापति लामिछानेले सम्बोधन गर्दै महत्त्वपूर्ण विषयमा धारणा सार्वजनिक गर्ने तयारी थियो ।
बुटवलको सुप्रिम सहकारी प्रकरणमा जिल्ला अदालत रुपन्देहीले १ करोड धरौटी माग गरेको थियो । उक्त आदेश चित्त नबुझाउँदै लामिछाने साधारण तारेखमा छाड्नुपर्ने मागसहित उच्च जानुभएको थियो ।
प्रतिक्रिया राख्नुहोस्