नेपाल क्रिकेट संघ (क्यान)ले नेपाली राष्ट्रिय क्रिकेट टोलीको मुख्य प्रशिक्षकमा अष्ट्रेलियाका पूर्व ब्याट्सम्यान स्टुअर्ट ललाई नियुक्त गरेपछि अन्तर्राष्ट्रिय क्रिकेट परिषद (आईसीसी)ले नेपाली क्रिकेट नयाँ युगमा प्रवेश गर्ने अपेक्षा गरेको छ ।
आईसीसीले शुक्रबार राति सामाजिक सञ्जालबाट स्टुअर्ट ल नेपालको मुख्य प्रशिक्षक नियुक्त भएको पुष्टि गर्दै गत फेब्रुअरीमा मोन्टी देसाईको राजीनामापछि सुरु भएको नेपालको नयाँ मुख्य प्रशिक्षकको खोजी टुङ्गिएको जनाएको छ ।
संयुक्त राज्य अमेरिकाको पुरुष टोलीको मुख्य प्रशिक्षकको रूपमा अविस्मरणीय सफलता हात पार्न सफल ल सात महिना अघि अमेरिकी टोली छाडेपछि नयाँ भूमिकामा नेपालको कमाण्ड सम्हाल्नेछन् ।
प्रशिक्षकका रुपमा लले अमेरिकालाई ती २० विश्वकप २०२४ मा सुपर आठमा पुर्याउन सफल भएको थिए । अमेरिकाले उद्घाटन खेलमा क्यानडालाई र समूह चरणमा विश्व विजेता रहिसकेको पाकिस्तानलाई पराजित गरी सुपर ८ मा पुगेको थियो ।
सन् १९९४ देखि १९९९ सम्म ५५ अन्तर्राष्ट्रिय खेलमा अष्ट्रेलियाको प्रतिनिधित्व गरेका ५६ वर्षीय लले यसअघि संयुक्त राज्य अमेरिका, श्रीलंका, बंगलादेश, वेस्ट इन्डिज र अफगानिस्तानसँग अन्तर्राष्ट्रिय स्तरमा काम गरिसकेका छन् ।
लका लागि नेपाली टोलीमाथिको पहिलो चुनौती जुनमा हुने आईसीसी क्रिकेट विश्वकप लिग २ त्रिकोणात्मक सिरिज हुनेछ, जहाँ नेपालले स्कटल्याण्ड र नेदरल्यान्ड्सको सामना गर्नेछन्।
लिग २ का १२ खेलमा दुई जित हात पार्दै नेपाल अहिले प्रतियोगितामा आठ टोलीमध्ये सातौं स्थानमा छ। यस्तै अवस्था मोन्टी देसाईको आगमनअघि पनि थियो । मोन्टीको आगमनसंगै नेपालले १२ मा ११ म्याचच जितेर विश्वकपमा छनोट भएको थियो ।
डिसेम्बर २०२६ सम्म चल्ने लिगका शीर्ष चारले पुरुष क्रिकेट विश्वकप २०२७ को क्वालिफायर चरणको लागि छनोट हुनेछन् भने तल्लो चारले क्वालिफायर प्लेअफबाट गुज्रनुपर्नेछ।
प्रतिक्रिया राख्नुहोस्