सहकारी ठगीसम्बन्धी मुद्दामा उच्च अदालत तुलसीपुरले थुनामा राख्न आदेश दिएपछि राष्ट्रिय स्वतन्त्र पार्टीका सभापति रवि लामिछानेलाई प्रहरीले शनिबार विहानै भैरहवा पुर्याएको छ ।
लामिछानेलाई शुक्रबार राति काठमाडौँबाट पक्राउ गरी शनिबार बिहान यति एयरलाइन्सको विमानमा भैरहवा लगी विमानस्थलबाट सिधै जिल्ला प्रहरी कार्यालय रुपन्देही लगेको हो ।
प्रहरी उपरीक्षक (एसपी) रञ्जितसिंह राठौरले लामिछानेलाई शनिबार र आइतबार सार्वजनिक बिदा परेकाले जिल्ला प्रहरी कार्यालय रुपन्देहीको हिरासतमा राखिने जानकारी दिनुभएकको छ ।
सोमबार अदालत खुलेपछि लामिछानेलाई अदालतमा पेस गरिने र त्यसपछि मात्रै कारागार चलान गरिने एसपी राठौरले बताउनुभयो ।
प्रतिक्रिया राख्नुहोस्