राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले आज (मंगलबार) बल्खुमा हुने राजतन्त्रवादीहरुको प्रदर्शन शान्तिपूर्ण हुने दावी गर्दै यदि सरकारले धरपकड गरेर आफूलाई प्रहरीले पक्राउ गरे आन्दोलन निर्णायक बन्ने बताउनुभएको छ ।
राप्रपाले राजसंस्था पुर्नस्थापना र चैत्र १५ गते पक्राउ परेका आफ्ना पार्टीका नेताको रिहाइको मागसहित गर्न लागेको प्रदर्शनस्थल बल्खु पुगेर आन्दोलन शान्तिपूर्ण रुपमा गर्न निर्देशन दिंदै दिंदै सो कुरा बताउनुभएको हो ।
राप्रपाले भृकुटीमण्डपमा आमसभा गर्न अनुमति माग गरे पनि जिल्ला प्रशासन कार्यालय काठमाडौंले सिफल वा बल्खुमा आमसभा गर्न भनेपछि राप्रपले बल्खु रोजेको हो ।
अध्यक्ष लिङ्देनले राज्य पक्षबाट हिंसा भड्काउने कार्य हुनेसक्ने भएकाले सचेततापूर्वक हजारौं भोलेन्टियर्सलाई जनप्रदर्शनका लागि खटाइसकेको जानकारी दिनुभयो ।
यसबीच सरकारले बल्खुमा ठूलो संख्यामा प्रहरी र सुरक्षाकर्मी तैनाथ गरेको छ । सभास्थल आसपासका क्षेत्रमा करिब २ हजार सुरक्षाकर्मी तैनाथ भएका छन् ।
प्रतिक्रिया राख्नुहोस्