हङकङमा जारी चारदेशीय टी-२० आई शृङ्खलाअन्तर्गत फाइनल खेलमा कुवेतले नेपाल सामु जितका लागि एक सय ७५ रनको लक्ष्य प्रस्तुत गरेको छ ।
हङकङको टिन क्वाङ रोड रिक्रिएशन मैदानमा भइरहेको खेलमा टस हारेर पहिले ब्याटिङको निम्तो पाएको कुवेतले निर्धारित २० ओभरमा सात विकेट गुमाउँदै एक सय ७४ रन बनाएको हो ।
कुवेतका लागि रविजा सन्दारुवानले अर्धशतकीय पारी खेले । उनले ३६ बलमा छ चौका र चार छक्काको मद्दतले सर्वाधिक ६३ रन बनाए । क्लिन्टो एन्टोले २६, उस्मान पटेलले २३, मीट भावसारले १६ र मोहम्मद असलमले १३ रन बनाए भने अन्य खेलाडीले दोेहोरो अङ्कमा रन जोेड्न सकेनन् ।
नेपालका लागि सोमपाल कामी र नन्दन यादवले समान दुई/दुई विकेट लिँदा करण केसी र कुशल भुर्तेलले एक/एक विकेट हात पारे । अहिले नेपालले जवाफी ब्याटिङ गरिरहेको छ ।
एकसय ७५ रनको विजयी लक्ष्य पछ्याएको नेपालको सुरुवात निकै खराब रहेको छ । सुरुवाती ब्याट्सम्यान कुशल भुर्तेल र आशिफ शेखसंगै बिस्फोटक अलराउण्डर दीपेन्द्र सिंह ऐरी सस्तैमा आउट भएपछि नेपाल संघर्ष गरिरहेको छ ।
प्रतिक्रिया राख्नुहोस्