काठमाडौंको पेप्सीकोलास्थित सनसिटी अपार्टमेन्टमा रहेका दुईजनामा कोरोना संक्रमण भएको पुष्टि भएपछि सरकारले सो अपार्टमेन्टमा बस्ने सबैको परीक्षण सुरु भएको छ । यो संगै नेपालमा कोरोना संक्रमितको संख्या १६ पुगेको छ ।
अर्पाटमेन्टमा बस्नेहरुमा कोरोना संक्रमित देखिएपछि संक्रमितहरुको सम्पर्कमा आएकाहरुको ट्रेसिङ पनि सुरु गरिएको स्वास्थ्य मन्त्रालयले मंगलबार फेसबुकमार्फत दिएको छ ।
पेप्सीकोला टाउन प्लानिङस्थित सनसिटी अपार्टमेन्टमा लण्डनबाट आइ बसेका एकै परिवारका ५८ वर्षका पुरुष र ८१ वर्षकी महिलामा कोरोना संक्रमण पुष्टि भएको थियो ।
उनीहरुकै परिवारका अर्का एक जनाको पहिलो परीक्षणमा भने कोभिड १९ पोजेटिभ नदेखिएको मन्त्रालयले जनाएको छ । अहिले उनीहरुको पाटन अस्पतालमा नै उपचार भइरहेको छ ।
प्रतिक्रिया राख्नुहोस्