जापान भ्रमणमा रहनुभएकी गैरआवासीय नेपाली संघ एनआरएनए केन्द्रीय अध्यक्ष रविना थापालाई एनआरएनए जापान र कास्की पोखरा समाज जापानले स्वागत तथा भेटघाट कार्यक्रम सम्पन्न गरेको छ ।
सो कार्यक्रममा समाजले एनआरएनएले पोखरा महेन्द्रपुल नजिक बनाउदै गरेको “बगैचा र शौचालय” निर्माणमा आर्थिक सहयोग समेत गरेको छ । कस्केलीहरुको तर्फबाट कास्की पोखरा समाज जापानका अध्यक्ष सन्देश अधिकारीले एक लाख रुपैयाँ हस्तान्तरण गर्नुभएको थियो ।
अधिकारीले गैरआवासीय नेपाली संघले कास्कीमा निर्माण गर्ने कार्यमा कास्की पोखरा समाजले हातेमालो गर्न पाउँदा गौरबको अनुभति भएको बताउनुभयो ।
कार्यक्रम जापानका लागि नेपालका राजदुत दूर्गाबहादुर सुबेदीको मुख्य अथित्यता र एनआरएनए जापानका अध्यक्ष शिवप्रसाद पौडेलको अध्यक्षतामा सम्पन्न भएको थियो ।
कार्यक्रममा एनआरएन जापानका अध्यक्ष तथा कास्की पोखरा समाज जापानका पूर्व अध्यक्ष शिवप्रसाद पौडेल, समाजका पूर्व अध्यक्ष विकास श्रेष्ठ, जापान व्यवसायी संघका अध्यक्ष बिजेश थकाली, कलाकार ईश्वर गुरुङ सहित अन्य जापानमा उपलब्ध प्रतिष्ठित ब्यक्तिहरुको उपस्थिति रहेको थियो ।
प्रतिक्रिया राख्नुहोस्