गैरआवासीय नेपाली संघ (एनआरएनए) जापानले नेपाल भलिबल संघ जापानको समन्वयमा आयोजना हुन लागेको प्रथम एनआरएनए रनिंग कप पुरुष भलिबल प्रतियोगिताको सम्पूर्ण तयारी पूरा भएको छ ।
एनआरएनए जापानले ईतिहासकै पहिलोपल्ट आयोजना गरेको पुरुष भलिबल प्रतियोगिता भोलि मे २२ बिहान ९ बजेबाट सुरु हुँदैछ ।
प्रतियोगितामा ११ भलिबल टोलीको सहभागिता रहनेछ । जापानमा रहेका बिभिन्न संघ संस्था तथा क्लबहरुबाट नियमानुसार दर्ता भएका टोलीमध्येबाट खेल तालिका समेत तयार भैसकेको छ ।
एनआरएनए जापानले खेल निर्धारित समयमा नै हुने हुँदा सम्पूर्ण टीमलाई समयमा नै उपस्थित भएर खेल संचालनमा सघाउ पुर्याउन अनुरोध गरेको छ ।
प्रतिक्रिया राख्नुहोस्