विजय थापा । अमेरिकाको न्यूयोर्कमा हरेक वर्ष हुँदै आएको मिस नेपाल नर्थ अमेरिका (उत्तर अमेरिका नेपाल सुन्दरी) २०२३ को लागि अतिथिमा प्रियंका कार्की, मिरुना मगर तथा आयुषमान देशराज जोशी आउने भएका छन् ।
प्रतियोगिताका लागि आवेदन पत्र गत फेब्रुअरी २८ का दिन देखि प्रारम्भ भएको छ भने आवेदन दिने अन्तिम मिति मे ३१, २०२३ सम्म रहेको छ । अझ पनि आवेदन निवेदन दिने समय बाँकी रहेकोले इच्छुक सबैलाई आयोजकको तर्फबाट सैलेश श्रेष्ठले अनुरोध र आह्वान गरेका छन ।
मिस नेपाल नर्थ अमेरिका सुरु भएदेखि नै हरेक वर्ष अगस्त महिनामा हुँदै आएता पनि यस बर्ष जुलाई महिनामा हुने र जुलाई २२ का दिन समापन समारोह अर्थात् ग्रान्ड फिनाले हुनेछ । बिगत वर्ष झैँ यस बर्ष पनि न्यूयोर्ककै प्रसिद्ध मेलरोज बलरुम मै शनिबारका दिन हुनेछ ।
“अर्को पुस्तालाई सशक्तिकरण गर्न नेपाली महिलाहरूलाई सशक्तिकरण” भन्ने मूल नारा दिइएको छ । यो प्रतियोगीताको आयोजना ड्रिम्स युनिभर्सल एलएलसी न्युयोर्कले गर्नेछ ।
कुनै जिज्ञाशा भएमा आयोजकसंग सम्पर्क गर्न सकिने छ । यसै गरी मिस नेपाल नर्थ अमेरिका २०२३ को लागि पूर्व नेपाल सुन्दरी सदीक्षा श्रेष्ठ आधिकारिक मुख्य कोरियोग्राफर हुने भएकी छिन ।
प्रतिक्रिया राख्नुहोस्