नेकपा (एमाले) अध्यक्ष एवम् प्रमुख प्रतिपक्षी दलका नेता केपी शर्मा ओलीले अमेरिकी सहायक मन्त्रीले गुम्बा गुम्बा भ्रमण गरेकोमा आपत्ति जनाउँदै सरकार एक चीन नीतिमा छ कि छैन भनी जवाफ माग गर्नुभएको छ ।
ओलीले आफू लिमी भ्याली जाँदा अनुमति लिएर जानु परेको सुनाउँदै अमेरिकी सहायक विदेशीमन्त्री आएर सम्वेदनशील क्षेत्रको भ्रमणमा जाँदा इजाजत लिनुपर्छ कि पर्दैन भन्ने प्रश्न गर्दै लिनुपर्छ भने कसरी दिनुभयो ? कसको पक्षमा इजाजत दिनुभयो र कसको विपक्षमा दिनुभयो भन्दै प्रश्न गर्नुभयो ।
बिहीबार आर्थिक वर्ष २०७९।२०८० का लागि प्रस्तुत नीति तथा कार्यक्रममाथि छलफलमा भाग लिनुहुँदै पूर्व प्रधानमन्त्री समेत रहनुभएको ओलीले आफ्नो भूमि प्रयोग गर्न नदिने नीतिमा सरकार अडिग छ कि छैन भनी सरकारसँग जवाफ माग गर्दै उपरोक्त धारणा राख्नुभएको हो ।
नेपालले एक चीन नीतिमा प्रतिबद्धता जनाएको जानकारी दिनुहुँदै उहाँले छद्म नीति नलिन आग्रह गर्नुभएको छ । उहाँले भन्नुभयो ‘‘नेपाल हाम्रा छिमेकीहरुसँग छद्म मुखमा एउटा कुरा व्यवहारमा अर्को कुरा होइन ।
वास्तविक अर्थमा सन्तुलित, एक अर्कामा नखेल्ने, एउटा कार्ड अर्काको विरुद्ध प्रयोग नगर्ने र सन्तुलित, एउटाका विरुद्ध अर्कोको भूमि प्रयोग हुन नदिने नीतिमा अडिग छ कि छैन ?
परराष्ट्र नीतिमा जे पनि गर्ने छुट नभएको बताउहाँले नेपाल एक चीन नीतिमा छ कि छैन ? सन्तुलित, एउटाका विरुद्ध अर्कोको भूमि प्रयोग हुन नदिने नीतिमा अडिग छ कि छैन ? भन्दै प्रधानमन्त्रीसंग जवाफ माग्नुभएको छ ।
यसै गरी अध्यक्ष ओलीले चिनिया परियोजना बेल्ट एण्ड रोड इनिसिएटिभ (बीआरआई)का विषयमा नीति तथा कार्यक्रममा केही कुरा नआएको भन्दै यस विषयमा सरकारको नीति के हो र बीआरआईबाट प्राप्त हुने सहयोग लिने कि नलिने भनी प्रश्न गर्नुभएको छ ।
ओलीले भन्नुभयो ‘अनेक कुराहरुको चर्चा छ, यहाँ बीआरआईको किन छैन ? बीआरआईबाट प्राप्त हुने सहयोग, ऋण के हो ? त्यो चीज हामी लिन्छौं कि लिँदैनौं, अहिलेको सरकारले जिब्रो नचपाई भन्नुपर्यो बीआरआई सम्बन्धी हाम्रो नीति के हो ?’
प्रतिक्रिया राख्नुहोस्