सम्पूर्ण नेपालीलाई स्वस्थ, सुरक्षित र सचेत रहन आव्हान (भिडियो)

पूर्व राजा ज्ञानेन्द्र शाहले सम्पूर्ण नेपालीलाई कोरोना भाइरस संक्रमणको यो महामारीको लहर अझै जारी रहेकाले स्वस्थ रहन सुरक्षितत र सचेत रहन आव्हान गर्नुभएको छ ।

कोरोना संक्रमणपछि नर्भिक अस्पतालमा उपचार गरी निवास फर्कनुभएका उहाँले बिहिबार एक भिडियो सन्देशमार्फत सो अनुरोध गर्नुभएको हो । उहाँले भन्नुभएको छ- “देशभित्र र बाहिर महामारीको अभियान जारी रहेको र यसको नियन्त्रणका लागि भित्र र बाहिरी सबै सहयोग आवश्यक पर्दछ भन्दै उहाँले प्राप्त सहयोगप्रति आभार व्यक्त गर्दछु ।”

रानी कोमलसहित उपस्थित हुनुभएका पूर्व राजाले कोरोना संक्रमणबाट आफूहरु अहिले स्वास्थलाभ गरिरहेको र क्रमशः सुधार भैरहेको बताउँदै कोरोना महामारीको समयमा अग्रपंक्रिमा रहेर सेवा गर्ने स्वास्थ्यकर्मी, सुरक्षाकर्मी, सफाईकर्मीलाई धन्यवाद व्यक्त गर्नुभएको छ ।

उहाँले महामारीको यो समयमा आफूहरु संक्रमित भएपछि व्यक्त गरिएको शुभेच्छाप्रति आभार व्यक्त गर्दै कोरोना संक्रमित भएर बिरामी भएकाहरुको शीघ्र स्वास्थ्यलाभ तथा दिवंगत परिवारजनमा समवेदना व्यक्त गर्नुभएको छ ।