नेपालको सूचना प्रविधिको अग्रणी संस्था एनआइटिभी नेपाल लिमिटेड (न्यू आईटी भेञ्चर कर्पोरेशन)मा अन्तर कर्मचारी टेबुलटेनिस प्रतियोगिता सम्पन्न भएको छ । लिमिटेडको कार्यालय बाँसबारीमा शुक्रबार एकल र युगल प्रतियोगिता सम्पन्न भएको हो ।
प्रतियोगितामा एकलतर्फ सुजन डंगोल प्रथम भए भने फुर्बा शेर्पाले द्वितीय स्थान हाँसिल गरे । त्यसै गरी युगलतर्फ सज्जन पौडेल र सुजन डंगोलको जोडी प्रथम भयो भने प्रतीक प्रधान र पंकज श्रेष्ठको जोडीले द्वितीय स्थान हाँसिल गर्यो ।
संस्थामा आबद्ध तीन दर्जन सूचना प्रविधि शिल्पीहरुको सहभागिता रहेको प्रतियोगितामा विजयी खेलाडीहरुलाई प्रमुख प्रशासन अधिकृत रोशन थापा र प्रमुख प्राविधिक अधिकृत दुर्गाप्रसाद पौडेलले मेडल र प्रमाणपत्र वितरण गर्नुभएको थियो ।
प्रतियोगिता सम्पन्नपछि खेलाडीहरुले कार्यालयमा यस्तो किसिमको प्रतियोगिता आयोजना हुनुले भाइचाराको विकास गरी आफ्नो जिम्मेवारीमा केन्द्रित हुन बल पुग्ने, आपसी सम्बन्ध अरु फराकिलो र निकट हुने प्रतिक्रिया दिए ।
प्रतिक्रिया राख्नुहोस्