भारतका प्रधानमन्त्री नरेन्द्र मोदी वैदिक संस्कार, संस्कृति र सभ्यतालाई विश्वमाझ चिनाउन भरमग्दुर प्रयास गरिरहनुभएको छ । यस क्रमा उहाँले आफ्नी आमाको खुट्टा धोएर आशीर्वाद लिनुभएको छ ।
प्रधानमन्त्री मोदीकी माता हीराबेन मोदीको आज (असार ४) १०० औँ जन्मदिन हो । प्रधानमन्त्रीले आफ्नी आमालाई आज बिहान गुजरातस्थित निवासमा भेटेर आशीर्वाद लिनुभको हो ।
आमाको आशीर्वाद लिएपछि प्रधानमन्त्री मोदीले ट्वीट गर्दै लेख्नुभएको छ “आज १०० वर्षमा प्रवेश गर्नुभएकी मेरी आमाबाट आशीर्वाद लिएँ ।” तीन महिनाअघि उहाँले आफ्नी आमालाई भेट्नुभएको थियो ।
हीराबेन मोदीको जन्म शतवार्षिकीका अवसरमा आजै गान्धीनगरको एउटा सडकलाई अब हीराबेन मोदी मार्ग नामकरण गरिने नगरप्रमुख हितेश मवानले बताउनुभएको छ ।
हीराबेन मोदीबाट भावी पुस्ताले त्याग, तपस्या, सदाचार र सेवाको पाठ सिकुन् भन्ने उद्देश्यले सडकको नाम हीराबेन मोदी राखिएको जनाउँदै गान्धीनगर नगरका प्रमुखले प्रधानमन्त्रीकी माताको नाम जीवित राख्न पनि त्यसो गरिएको स्पष्ट गर्नुभयो ।
प्रतिक्रिया राख्नुहोस्