नेपाली क्रिकेट टोलीका अलराउन्डर दीपेन्द्रसिंह ऐरीले आफ्नो विश्वव्यापी वरियतामा ठूलो छलाङ मार्दै विश्व चर्चित खेलाडीहरुलाई पनि पार्नुभएको छ ।
अन्तर्राष्ट्रिय क्रिकेट परिषद् (आईसीसी)ले सार्वजनिक गरेको आइसीसी टी–२० अन्तर्राष्ट्रिय अलराउन्डरको पछिल्लो वरियतामा ऐरी छैटौं स्थानमा उक्लिनुभएको हो । यसअघि दीपेन्द्रको स्थान नवौं थियो ।
आइसीसीले जारी गरेको वरियताअनुसार अष्ट्रेलियाका मार्कस स्टोनिस पहिलो स्थानमा, श्रीलंकाका वनिन्दा हसरङगा दोस्रो स्थान, बंगलादेशका शकिल अल हसन तेस्रो स्थानमा रहँदा अफगानस्थानका मोहम्मद नाबी चौथो र पाँचौंमा जिम्बावेका सिकन्दर राजा रहनुभएको छ ।
नेपालका दीपेन्द्रसिं ऐरी छैठौं स्थानमा रहँदा सातौं नम्बरमा भारतका हार्दिक पाण्ड्या, आठौंमा इङ्ल्यान्डका लाइम लिभिङस्टोन र इंग्ल्यान्डकै मोइन अली नवौं स्थानमा छन् । शीर्ष १० मा दक्षिण अफ्रिकाका एडेन मक्रम पनि परेका छन् ।
प्रतिक्रिया राख्नुहोस्