जापान पठाइदिन्छु भनी १२ लाख रुपैयाँ रकम ठगेको आरोपमा प्रहरीले सोमबार एकजनालाई पक्राउ गरेको छ ।
पक्राउ पर्नेमा नुवाकोटको दुप्चेश्वर गाउँपालिका–१ घर भई हाल काठमाडौँको गोकर्णेश्वर नगरपालिका–४ बस्ने ५५ वर्षीय सुनबहादुर तामाङ रहेका छन् ।
उनले पीडित हिरादेवी थापालाई वैदेशिक रोजगारीका लागि जापान पठाइदिने भन्दै १२ लाख रुपैयाँ लिएर फरार रहेका थिए । त्यस्तै उनले थापालाई मासिक १ लाख रुपैयाँभन्दा बढी तलब हुने कृषि क्षेत्रमा काम लगाइदिन्छु भन्दै रकम लिएको खुलासा भएको छ ।
पक्राउ परेका उनीमाथि थप अनुसन्धान तथा कारबाहीका लागि वैदेशिक रोजगारी विभाग बुद्धनगर पठाइएको प्रहरीले जनाएको छ ।
प्रतिक्रिया राख्नुहोस्