पूर्व प्रधानमन्त्री तथा नेकपा एमालेका अध्यक्ष एवं जनताको बहुदलीय जनवादका प्रखर हिमायती केपी शर्मा ओलीले जननेता स्व. मदन भण्डारीको जन्मतिथिका अवसरमा उहाँको राजनीतिक, वैचारक र सैद्धान्तिक दृष्टिकोणको स्मरण गर्नुभएको छ ।
भण्डारीको जन्मतिथिको अवसर पारेर राससले गरेको कुराकानीमा अध्यक्ष ओलीले भन्नुभयो, “म उहाँलाई एक असाधारण व्यक्तिकारुपमा स्मरण गर्ने गर्दछु । उहाँले नेपालको कम्युनिष्ट आन्दोलनमार्फत हाम्रो समाज र देशलाई अगाडि बढाउन असाधारण योगदान दिनुभएको छ ।”
ओलीले अगाडि भन्नुभयो, “मुख्यरुपमा म उहाँलाई एक असल र साँच्चै महान् व्यक्तिका रुपमा सम्झन्छु । तर दुःखद् कुरा यो भयो कि उहाँको निधन ४१ वर्षको अल्पायुमै भयो । नेपालमा त्यति कम उमेरमा त्यस प्रकारको सफलता र लोकप्रियता पाउन अरु कसैले सकेको छ भन्ने मलाई लाग्दैन ।”
त्यसै गरी अध्यक्ष ओलीले नेता नेता मदन भण्डारी र नेकपा एमालेको तत्कालीन संगठन विभाग प्रमुख जीवराज आश्रितको रहस्यमय मृत्यु भएको दासढुङ्गा दुर्घटनाका विषयमा पनि कुरा खोतल्नुभएको छ
ओलीले भन्नुभयो, “तत्कालीन सरकारले दुर्घटना हो भन्यो, छानबिन आयोग समेत गठन गर्न मानेन । हामीले तत्कालै छानबिन आयोगको माग गर्यौँ ।दासढुङ्गा घटनाको छानबिन माग राखी आन्दोलन गर्ने क्रममा कम्तीमा २२ जनाको ज्यान नै गयो । गाडी नदीमा पुग्छ, नेताहरु डुब्छन् तर चालक सकुसल बाँचेको हुन्छ । पछि त्यही चालक चितवन पुगेर आत्मसमर्पण गरेको हुन्छ ।”
उहाँले भन्नुभयो, “कतिपय यस्ता घटना–दुर्घटनाका सत्यतथ्य सार्वजनिक हुन समय लाग्छ । सत्यहरुलाई शक्तिले लुकाउँछन् नै । तर त्यो प्रयत्न सधैँ सफल हुँदैन । समयक्रममा सत्य त बाहिर आइहाल्छ नै । समय लाग्छ, दासढुङ्गा हत्याकाण्डको पनि सत्यतथ्य बाहिर आउँछ । मदन–आश्रितको हत्यारा पत्ता लाग्छ ।”
बाँकी यो भिडियोमा
प्रतिक्रिया राख्नुहोस्