राष्ट्रिय प्रजातन्त्र पार्टीका सांसद ज्ञानेन्द्र शाहीले काठमाडौं महानगरपालिका प्रमुख बालेन्द्र साहलाई असफल बनाउन ठूला पार्टीका केन्द्रीय नेताहरुले वडाध्यक्ष उचालेको आरोप लगाउनुभएको छ ।
प्रतिनिधिसभाको सोमबारको बैठकमा बोल्दै सांसद शाहीले स्वतन्त्र उम्मेदवार भएर निर्वाचन जितेका बालेनलाई असफल बनाउन वडाध्यक्षा उचालेर विकासको गति रोक्न खोजेको बताउनुभयो ।
मुलुकमा लोकतन्त्र भने पनि अहिले नेतातन्त्र त्यो पनि केही शीर्षस्थ नेताको तन्त्र चलेको भन्दै वडाध्यक्षहरुलाई बालेनको बिरोध गर्न दिइएको निर्देशन नमाने पद नै खाइदिने गरेका पनि बताउनुभयो ।
वडाध्यक्ष मात्र होइन सांसदलाई समेत चित्त नबुझेका कुरामा बोल्न नपाउने भन्दै यस्तो तन्त्रले मुलुकको विकास नहुने भन्दै सुधारिन सुझाव दिनुभयो ।
बालेनलाई असफल बनाउन अहिले महानगरको नीति तथा कार्यक्रम र बजेटमाथि बिरोध गर्न र नाराबाजी गर्न लगाउनु घोर आपत्तिजनक रहेको भन्दै काम गर्न चाहने र सक्नेको बाटो नछेक्न चेतावनी दिनुभयो ।
प्रतिक्रिया राख्नुहोस्