देशका विभिन्न स्थानमा आगलागीबाट सवारी साधन जलेर नष्ट भएको छ । रौतहट, गरुडा नगरपालिका-५ महमपुर बस्ने ५० वर्षीय किसनी राय यादवले आफ्नो घरको बरण्डामा राखेको वीआर ३० एल ९९८४ नम्बरको मोटरसाइकलमा मंगलबार बिहान आगलागी हुँदा मोटरसाइकल पूर्णरूपमा जलेर नष्ट भएको छ ।
यसैगरी रौतहट, गुजरा नगरपालिका-६ बस्ने जवार शेखले आफ्नै घरको बरण्डामा पार्किङ गरि राखेको को ना.६७ प ९१८६ नम्बरको मोटरसाइकलमा गएराति आगलागी हुँदा मोटरसाइकल पूर्णरूपमा जलेर नष्ट भएको छ । त्यस्तै दैलेख, गुराँस गाउँपालिका-२ तल्लो डुङ्गेश्वर स्थित ईट्टा उद्योग नजिकै पार्किङ गरी राखेको भे.२ त १४७२ नम्बरको ट्रयाक्टरमा गएराति आगलागी हुँदा ट्रयाक्टरको अगाडीको भाग पूर्णरूपमा जलेर क्षति भएको छ ।
प्रहरीले स्थानीय बासिन्दाको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
प्रतिक्रिया राख्नुहोस्