पूर्वी जापानमा अहिलेसम्मकै सबैभन्दा भीषण वर्षा भएको छ । मौसम विभागका अनुसार तातो र आद्र हावासहितको वर्षाका काण जापान सागर किनार क्षेत्रमा मूसलधारे वर्षा भैरहेको छ ।
आइतबार विहान अकिता र इवाते प्रान्तको आकाशमा कालो बादल मडारिएको छ । शनिबार अकितामा आएको बाढी र पहिरोका कारण चारजना घाइते भएका थिए ।
अकिता शहरमा दिउँसो २ बजेसम्म पछिल्लो ४८ घण्टामा २५२.५ मिलिमिटर वर्षा मापन गरिएको छ । यसबाट सा शहर हुँदै बग्ने नदीको पानी तटबन्धबाट बाहिरिएर बाढी आएको छ । शहरका अन्य साना नदीहरुमा पनि बाढी आएको छ ।
अकिता शहरको ताइहेइजानमा आइतबार विहानसम्म २४ घण्टामा ३३२.५ मिलिमिटर वर्षा मापन गरिएको छ । यस्तै फुजिसातोमाा २८९।५ र हाप्पो नगरमा २२९ मिलिमिटर वर्षा मापन गरिएको छ ।
त्यस्तै इवाते प्रान्तको निशिवागा नगरकोा एक क्षेत्रमा आइतबार दिउँसो २ बजेसम्म ४८ घण्टामा ३०१.५ मिलिमिटर वर्षा भएको छ । यो सन् २०१७ यताकै सबैभन्दा बढी हो ।
मौसम अधिकारीहरुका अनुसार वर्षा रोकिने वा कम भए पनि साना नदीहरुको बाढीको पानी ठूला नदीमा मिलेर लामो समयसम्म ती क्षेत्रमा क्षति पुग्ने खतरा रहेको छ ।
प्रतिक्रिया राख्नुहोस्