सभामुख निष्पक्ष रहनुपर्ने भए पनि कोशी प्रदेशसभा सभामुख बाबुराम गौतमले असंवैधानिक रुपमा समर्थन गरेर गठन भएको प्रदेश सरकार असंवैधानिक ठहर भएको छ ।
बिहिबार सर्वोच्च अदालतले सभामुखको समेत समर्थनमा बहुमत जुटाएर नेपाली कांग्रेसका संसदीय दलका नेता उद्धव थापालाई मुख्यमन्त्रीमा गरिएको नियुक्त बदर गरेको छ ।
सर्वोच्च अदालतले सभामुखको समर्थन असंवैधनिक भएको ठहर गर्दै थापाको नियुक्तिलाई बदर गर्दै कोशी प्रदेशमा नयाँ सरकार गठनको प्रक्रिया सुरु गर्न आदेश दिएको छ ।
सर्वोच्चले थापाको नियुक्ति बदर गरेसंगै ७ दिनभित्र बहुमत पाउने दललाई मुख्यमन्त्री बनाउन आदेश दिंदै सोा अनुसार नभए अर्को उपधारामा जान भनिएको छ ।
अर्थात अब फेरि संविधानको धारा १६८ (२) अनुसार सरकार गठनको प्रयास हुनेछ । ९३ सदस्यीय प्रदेशसभामा बहुमत जुटाउन सक्ने दलले सरकार बनाउने छ ।
कुनै पनि दलले बहुमत जुटाउन नसके १६८ (३) अनुसार प्रदेशसभाको सबभन्दा ठूलो दल एमालेका संसदीय दलका नेता हिक्मतकुमार कार्की मुख्यमन्त्री बन्नेछन् ।
यसबीच कोशी प्रदेशका सभामुख बाबुराम गौतमले उद्धव थापालाई मुख्यमन्त्रीमा समर्थन गर्ने आफ्नो कदमलाई सर्वोच्च अदालतले ‘करेक्सन’ गरिदिएको बताउनुभएको छ ।
आफ्नो कदम असंवैधानिक ठहरिए पनि सभामुख गौतमले आफूले राजीनामा दिनेबारे नसोचेको र कसैले आफ्नो राजीनामा माग पनि नगरेको बताउनुभयो ।
प्रतिक्रिया राख्नुहोस्