प्रदेशहरु राज्यको भारमात्र भएकाले यसका सबै संरचना खारेज गर्नुपर्ने माग गर्दै संचारकर्मी रवी लामिछानेको नेतृत्वमा गठन भएको “राष्ट्रिय स्वतन्त्र पार्टी”ले प्रदेश सभा चुनावमा भाग नलिने भएको छ ।
निर्वाचन आयोगले आउँदो ४ मंसिरमा एकै पटक प्रतिनिधि सभा र प्रदेश सभाको चुनाव गर्ने तयारी गरिरहेको छ र साउन ३१ गते दल दर्ताको कार्यतालिका सम्पन्न भैसकेको छ ।
अध्यक्ष रवि लामिछानेले बुधबार एक भिडियो सन्देशमार्फत आफ्नो पार्टी प्रतिनिधि सभा चुनावमा सहभागी भए पनि प्रदेश सभा चुनावमा भने सहभागी नहुने जानकारी गराउनुभएको हो ।
उहाँले सन्देशमा प्रदेश सभाको चुनावमा सहभागी हुनु भनेको राज्यकोष दोहनमा सहभागी हुनु भए पनि आफूहरु व्यवस्था विरोधी भने नभएको दावी गर्नुभएको छ ।
उहाँले भन्नुभएको छ, ‘यही संरचनामा हामी प्रदेश मातहतको चुनावमा सहभागी हुनु भनेको राज्यकोष दोहानमा सहभागी हुनु बाहेक केही होइन, हामी व्यवस्थाविरुद्ध छैनौं । मात्र प्रदेशसभाको चुनावमा सहभागी हुन चाहँदैनौं ।’
प्रतिक्रिया राख्नुहोस्