जिल्ला समन्वय समिति कास्कीका प्रमुख लिलाधर पौडेलले स्थानीय तहका जनप्रतिनिधिहरूलाई कास्कीलाई विकासमा नमूना बनाउने गरी काम गर्न आग्रह गर्नुभएको छ ।
जिल्ला समन्वय समिति कास्कीको आयोजनामा स्थानीय तहका जनप्रतिनिधि वडा सदस्यहरूको लागि क्षमता अभिवृद्धि तालिमको समापनको अवसरमा पौडेलले सो कुरा बताउनु भएको हो ।
पौडेलले विकासका काम युग सुहाउदो, समय सापेक्ष र वडामा विकास प्रभावकारी हुन नसकेको गुनासो सुन्नु नपरोस भन्ने हेतुले कार्यक्रम आयोजना गरिएको उल्लेख गर्दै जनप्रतिनिधिहरूको सवलिकरणमा तालिम कोषेढुंगा सावित भएको टिप्पणी गर्नुभयो ।
प्रमुख पौडेलले विकासमा गुणस्तरीय सेवा प्रबाहमा स्थानीय तहका प्रतिनिधिहरूको यो कार्यकाल एेतिहासिक र स्वर्णिम हुनुपर्ने र त्यही अनुसार तालिमबाट प्राप्त ज्ञानलार्इ अब्बलरूपमा ब्यबहारमा उतार्न आग्रह गर्नुभयो ।
कार्यक्रममा जिल्ला समन्वय अधिकारी नवराज वरालले क्षमता निरन्तर बढाउन जरूरी रहेको भन्दै समृद्ध कास्कीका लागि प्रभावकारी जनप्रतिनिधिहरू निर्माणमा तालिम फलदायी भएको बताउनुभयो ।
जिल्ला समन्वय समिति कास्कीले मंगलबार कास्कीका चारवटा गाउँपालिका र बुधवार पोखरा महानगर अन्तर्गतका वडा सदस्यहरू सहभागी भएको क्षमता विकास तालिम आयोजना गरेको थियो ।
कार्यक्रममा गण्डकी प्रदेश प्रशिक्षण प्रतिष्ठानका कार्यकारी निर्देशक ऋषिराम पाण्डे, जिल्ला समन्वय अधिकारी नवराज वराल, शाखा अधिकृत झविश्वर रेग्मी लगायतले सहजीकरण गर्नुभएको थियो।
प्रतिक्रिया राख्नुहोस्