नेपाली क्रिकेटलाई अन्तर्राष्ट्रियस्तरमा भारतको आइपिएलकै जस्तो लोकप्रिय बनाउने लक्ष्यका साथ नेपाल क्रिकेट सङ्घ (क्यान)ले नेपाल प्रिमियर लिग (एनपिएल) सहभागी हुने आठ फ्रेन्चाइज टोलीकोे नाम सार्वजनिक गरेको छ ।
शनिबार क्यान कार्यसमितिको बैठकले आगामी मङ्सिर १५ देखि पुस ६ गतेसम्म आयोजना हुने लिगमा सहभागी टोलीको नाम तय गरेको हो । क्यानले एनपिएललाई भारतमा हुने फ्रेन्चाइज लिग आइपिएल जस्तै चर्चित ब्रान्ड बनाउने दाबी गरेको छ ।
क्यानका अनुसार लिगमा विराटनगर, जनकपुर, चितवन, काठमाडौँ, पोखरा, लुम्बिनी, कर्णाली र सुदूरपश्चिमले सहभागिता जनाउने छन् ।
क्यानले दुई वर्षअघि भारतीय कम्पनीलाई नेपाल टी–२० लिग आयोजनाको जिम्मेवारी दिएको थियो । तर उक्त लिग खेल निकै विवादास्पद रहेको थियो ।
खेलमा मिलेमतो र आर्थिक अनियमितिता लगायत विषयमा विवादित बनेपछि क्यानले त्यसलाई रद्ध गरेर आफै एनपिएल आयोजना गर्ने निर्णय गरेको हो ।
प्रतिक्रिया राख्नुहोस्