दुई सयले बढ्यो सुनको मूल्य, आज कति छ तोलाको ?

स्थानीय बजारमा पहेँलो धातुको मूल्य आज तोलामा रु दुई सयले उकालो लागेको छ ।

नेपाल सुनचाँदी व्यवसायी महासङ्घका अनुसार सोमबार तोलामा रु एक लाख ५२ हजार दुई सयमा कारोबार भएको छापावाला सुन आजका लागि भने रु एक लाख ५२ हजार चार सय निर्धारण भएको छ ।

यस्तै चाँदीको मूल्य तोलामा रु १० ले बढेको छ । सोमबार प्रतितोला रु एक हजार सात सय ५५ मा कारोबार भएको चाँदी आजका लागि भने रु एक हजार सात सय ६५ निर्धारण भएको छ ।