काठमाडौँ जिल्ला तेक्वान्दो सङ्घले पेरिस २०२४ पारा ओलम्पिककी ऐतिहासिक कास्य पदक विजेता तेक्वान्दोकी पलेशा गोवर्धनलाई बुधबार नगदसहित सम्मान गरेको छ ।
काठमाडौँ जिल्ला तेक्वान्दो सङ्घद्वारा बुधबार आयोजित एक कार्यक्रममा लेपलेशालाई रु एक लाख ३८ हजार नगदसहित प्रशंसा पत्रबाट सम्मान गरिएको हो । यसैगरी प्रशिक्षक कविराज नेगी लामालाई ५८ हजार तथा पेरिस पारालिम्पिकमै सहभागी तेक्वान्दो खेलाडी भरतसिंह महतालाई १० हजार नगदसहित प्रशंसा पत्र प्रदान गरियो ।
व्यवस्थापक रामचन्द्र श्रेष्ठ प्रशंसापत्रबाट सम्मानित भए । पलेशाका पिता प्रदीपलाई मायाको चिनो प्रदान गरिएको थियो । कार्यक्रममा नेपाल च्याम्बर अफ कमर्सका सदस्य एवं च्याम्बरअन्तर्गत शिक्षा तथा खेलकुद उपसमितिका अध्यक्ष रुपकराज बन्सी, काठमाडौँ जिल्ला तेक्वान्दो सङ्घका अध्यक्ष विक्रम खड्गीलगायतले एक कार्यक्रमबीच सम्मान गर्नुभएको हो ।
सोही अवसरमा आवै सिद्धार्थ बनस्थली इन्टिच्युटले पनि पलेशालाई छुट्टै नगदसहित सम्मान गरेको थियो । प्रिन्सिपल बन्सीले पलेशालाई रु ५० हजार नगदसहित सम्मान गर्नुभयो । बुधबारै काठमाडौँ महानगरपालिका–८ ले पनि पलेशा र प्रशिक्षक लामालाई नगदसहित सम्मान गर्यो । वडाध्यक्ष आसामान सङ्गतले पलेशा र प्रशिक्षकलाई जनही ५१ हजार प्रदान गरी सम्मान गर्नुभयो ।
फ्रान्सको पेरिसमा गत भदौ महिनामा भएको के–४४ क्याटगोरीअन्तर्गत ५७ केजीमुनि सर्वियाकी खेलाडी मरिजा मिसेभलाई पराजित गर्दै कास्य पदक जित्नुभएको थियो ।
प्रतिक्रिया राख्नुहोस्